Monday, November 28, 2011

مبروك عليك الأندرويد - الجزء الثاني

السلام عليكم ورحمة الله وبركاته





مثل الموضوع الأول (مبروك عليك الأندرويد) ..نستعرض في هذا الموضوع مجموعة برامج أخرى منوعة
وكلها موجودة بالماركت.. بس أضغط على اسم البرنامج ويوديك على الماركت للتحميل
وكلها أنا مجربها شخصياً على الجالكسي

نبدأ بالبرامج المفيدة .. وبالآخير لعبتين للتسلية


--
Go Keyboard

من ميزات نظام الأندرويد أنك تقدر تركب كيبورد مختلف عن الكيبورد الرسمي.. وهذا من أفضل الكيبوردات اللي وجدتها .. ومن خصائصه تغيير الثيم.. ووجود كيبورد الأسهم لتحديد مكان المؤشر بدقة مثل هذي الصوره

بعد تحميل البرنامج أعلاه.. قم بتحميل اللغة العربية من هنا










--
Opera Mini


متصفح الأوبرا.. السبب الرئيسي اللي خلاني أستخدم هذا المتصفح.. أنه فيه إمكانية تحميل المقاطع.. مثل اللي توصلك بالواتس اب.. وأكتشفت أنه أسرع بكثير من المتصفح الرئيسي لأن فيه خاصية ضغط الصورة وتصغير دقتها.. أحياناً يرفع ضغطي مثل لما تجي تسكر البرنامج مافيه زر واحد يطلعك منه.. بس مدامه يحمل مقاطع عادي كل شيء يهون










--
Mobo Video Player Pro




مشغل فيديو يشغل أغلب أنواع الملفات اللي ماتشتغل بالبرنامج الأصلي










--
SwipePad



برنامج رائع للي يحب يتنقل بين البرامج بسرعة .. تضغط على الزاوية اللي فوق يمين (المنطقة الحمراء بالصورة أعلاه يمين) وتطلع قائمة ببرامج أنت تحددها بنفسك.. طبعاً تقدر تطلعها  وأنت فاتح أي برنامج ثاني.. وتقدر تغيير المكان المحدد للإختصار السريع
وهذا مقطع فيديو يشرح أكثر










--
Battery Solo Widget


لما تشوف كلمة وجدت Widget اعرف انها مجرد إضافة للشاشة الرئيسية وليست برنامج
وهذي الإضافة تعطيك حالة البطارية على شكل دائري وبالرقم مثل ماهو ظاهر بالصورة





--
Swiss Army Knife


أحب اسم هالبرنامج .. وحتى البرنامج حلو ومفيد جداً .. ركبه وأنساه.. يمكن تحتاجه يوماً ما!!
لأن فيه كشاف (سواءاً بإستخدام فلاش الكميرا أو الشاشة نفسها)، بوصله، مسطره، مؤقت، ومؤقت تنازلي، وميزان إعتدال، وآله حاسبه علمية





--


الله يجزا ماجد الرقيعي خير.. برنامج يحول بين الهجري والميلادي والعكس بكل سهوله
أنا دائماًَ أحتاجه وأستخدمه كثير





--

برنامج يحول من أي شيء لأي شيء.. العملات، والمسافات، والأوزان ...إلخ
وتقدر تسوي قائمة بالتحويلات المفضلة .. زي اللي يحول عملات دائماً يستفيد منه ويسوي له قائمة تمكنه من التحويل بسرعه






--



للي يحب يحتفظ بالروابط ويقراها بعدين.. وللي يعرف موقع instapaper.com .. أنصحه بهالبرنامج اللي يضيف لك بقائمة الخيارات أنك ترسل الموقع إلى انستابيبر عشان تطلع عليه بعدين..واضح؟! ماأظن!!






--

برنامج قائمة المهام والأشياء اللي تبي تسويها.. البرنامج هذا حملته اليوم وأعجبني جداً.. واجهته جميله جداً .. وتحس أنه سهل ومافيه اشياء كثيرة تعقدك .. وبنفس الوقت تقدر تزامن مع الجي ميل وتسوي نسخه أحتياطيه على الميموري كارد.



--
وصلنا لفقرة الألعاب
--


أقنص أبو الديك الرومي.. وناسه اللعبة بس يبغالك تلعبها وأنت جالس عشان تتحكم بلف الشاشة ..
يعني ماتصلح للي يحبون يلعبون وهم منسدحين مثلي





--

هاهااااااااااااااااه بتقول أن لعبة الحمار اللي يناقز سهله بالبداية .. طيب طيب ألعب وهذا وجهي إذا تعديت المرحلة الرابعه من 
 أول محاولة



--
يرجاء عدم التردد بالتعليق (ولو بنقطه حلوه منك كذا) أوالإستفسار

2 comments:

  1. رووووووعه يعطيك الف عافيه

    ReplyDelete
  2. الله يعافيك هذا من ذوقك

    ReplyDelete