Monday, July 11, 2011

أفكار .. ماتدري وش أخرتها



الموضوع ومافيه أننا كلنا هالأيام ملاحظين كثرة المشاريع اللي بدت من الصفر ووصلت قيمتها للملايين. الأمثلة على كذا كثيرة بس خلونا نركز على مشاريع الإنترنت والمواقع والبرامج

كلنا نعرف قصة الفيس بوك وأنهم بدوا بفكرة صغيرة على قدهم وأشتغلو عليها وصرفو إلى ماصار الموقع اللحين يسوا ملايين

والتويتر نفس الشيء
وبرنامج تويت دك (برنامج على الايفون للتويتر) اللي بدا مجاني واخر شيء شرته تويتر باربع ملايين أتوقع المهم انه مبلغ بالملايين
واليوتيوب بعد مثلهم


فالواحد لما يكون عنده فكره أو موهبه المفروض انه يكتبها وبعدين ينفذها ويحتفظ فيها .. يمكن بالبداية ماتسوى شيء بس يصير موقف أو يجيه احد من أصحابه يقوله "فيه شركة تدور واحد يسوي لها كذا" .. إلا عندك انت مثال على اللي سويته تقدر تقدمه وماتدري وقتها وش راح يسوى هالشيء اللي انت مسويه

أنت مصمم مواقع: سو موقع حط فيه كل حيلك وحاول بقدر المستطاع أنك تخليه شغال وطور فيه وعدل وبدل، يمكن يصير بيوم من الأيام زي الفيس بوك أو أقوى
أنت مبرمج: سو برنامج وأنشره مجاناً.. ماتدري يمكن يوم من الأيام يطيح بيد مدير شركة كبيرة وتلقاه متصل فيك
أنت عندك فكرة وصاحب هواية: نفذ الفكرة .. وأذا هي شيء يتصور صورها ونزلها بالفيس بوك أو بالبلوق.. وأذا ماتتصور أكتبها وشاركها

المهم تذكر أنك دائماً تترك وسيلة أتصال مفتوح بينك وبين الناس .. عشان أذا جت الفرصة توصلك لحد بابك .. وحاول دائماً انك تحط شرح عن الموقع أو البرنامج أو أياً كان اللي تسويه .. عشان يظهر في محركات البحث

No comments:

Post a Comment