السلام عليكم ورحمة الله
قبل كم يوم تفاجأت بأن الجنك ميل (الأيميلات الخايسة يعني) مليان رسايل من قروبات غريبه مادري من وين جت
وأثاري فيه ناس تسوي قروبات والظاهر أنها تبيع أو تعاقد (بقروش طبعاً) مع قروبات ثانيه بحيث ترسل للايميلات اللي عندها
ويالله تعال شف كل يوم يزيد عندك قروب
المهم.. المشكلة في قروبات قوقل انها ماتعطيك رابط للإلغاء الاشتراك فيها
وعشان تلغي إشتراكك .. حم عليها يوم من الأيام وسوي زي كذا
عشان الشرح خل نقول على سبيل المثال ان اسم القروب فريندز أصدقاء يعني
Friendsgroup
راح يجي ايميل القروب بهالشكل
Friendsgroup@googlegroups.com
وعشان تلغي اشتراكك معاهم.. ارسل إيميل لنفس العنوان بس بإضافة زائد + كلمة
unsubscribe
يعني راح يكون الايميل بالشكل التالي
Friendsgroup+unsubscribe@googlegroups.com
بعدها راح يوصلك ايميل يأكد لك انه تم إلغاء الأشتراك
وأدعي لي
No comments:
Post a Comment